जाजरकाेट। जाजरकोटमा पहिरोले पुरिएर एक बालकको मृत्यु भएको छ ।
मृत्यु हुनेमा भेरी नगरपालिका–५ इबरका रमेश वि.कका ५ वर्षीय छोरा प्रिन्स वि.क रहेका छन् । गए राति परेको अविरल बर्षाका कारण विहान करिव साढे ५ बजेकाे समयमा घरमाथीबाट आएको पहिरोले घर पुरिदा उनको मृत्यु भएको जिल्ला प्रहरी कार्यालय जाजरकोटका प्रमुख (डिएसपी) पुरुषोक्तम प्रसाद पाण्डेले बताए ।
पहिरोमा परी बुबा रमेश वि.क घाइते भएका छन् । उनको उद्धार गरी थप उपचारका लागि जिल्ला अस्पताल जाजरकोटमा ल्याइएको प्रमुख पाण्डेले बताए । ६ जनाको परिवार रहेको वि.कका अन्य सवै सकुशल रहेको प्रहरीले बताएको छ ।
१८ असार २०८१, सोमबार ०८:४२ मा प्रकाशित
