पहिरोको उच्च जोखिमा रहेका जुनीचाँदेका १२ घरपरिवारलाई सुरक्षित स्थानमा सारियाे

जाजरकोट । पहिरोको उच्च जोखिममा रहेकाे जाजरकाेटकाे जुनीचाँदे गाउँपालिका ३ स्याँलाका १२ घर परिवारलाई सुरक्षित स्थानमा सारिएको छ ।

जुनीचाँदे गाउँपालिका–३ स्याँलाका १२ घरपरिवार पहिरोको उच्च जोखिममा रहेपछि उनीहरूलाई सुरक्षित स्थानमा सारिएको हो । उनीहरूलाइ स्याँलादेखि झन्डै ३०० मिटरको दुरी पश्चिममा रहेको मग्रा भन्ने स्थानमा बुधवार सारिएको जिल्ला प्रहरी प्रमुख पुरुषोत्तम प्रसाद पाण्डेले बताए ।

गाउँपालिकासँगको समन्वयमा १२ घरपरिवारका ६५ जनालाई सारिएको हाे । जिल्ला प्रहरी कार्यालय जाजरकोटले दिएको जानकारी अनुसार जुनीचाँदे गाउँपालिका–३ स्यालाका शीतला टमटाका ९ जना, सरा टमटाका ६ जना, सुनिता चदराका ५ जना, झुपा तिरुवाका ११ जना, पुतला टमटाका ५ जना, शर्मिला टमटाका ५ जना, पुतला नेपालीका ६ जना, राजु टमटाका ५ जना, जैकुरा टमटाका ५ जना, गीता नेपालीका ४ जना, लालसरा टमटाका ३ जना र पदम टमटाका १ जना गरी जम्मा ६५ जनालाई सुरक्षित स्थानमा सारिएको छ ।

गत कार्तिक १७ गतेकाे भुकम्पले जाजरकाेटका विभिन्न वस्तीहरू पहिराेकाे उच्च जोखिममा रहेका छन् ।