जाजरकोट । जाजरकोटको नलगाड नगरपालिकाको उप प्रमुख पदमा नेकपा माओवादी केन्द्रकी देवका लामिछाने विजयी हुनु भएको छ । उहाँले ४ हजार २ सय ७२ मत ल्याउँदै विजयी हुनुभएको हो।
उहाँका निकटतम प्रतिद्वन्द्वी नेपाली कांग्रेसका इन्द्रा चन्द सिंहले ३ हजार १ सय ४७ मत ल्याउनुभयो। त्यस्तै, नेकपा एमालेका सुनिता बोहराले २ हजार ५ सय ४२ मत प्राप्त गर्नुभयो भने रास्वपाका पार्वती पुनले १ सय ७९ मत प्राप्त गर्नुभएको थियो।
यस क्षेत्रमा २०७९ को स्थानीय निर्वाचनमा काङ्ग्रेस-माओवादी केन्द्र गठवन्धनबाट कांग्रेसका सरिता सिंहले ५ हजार ४ सय ६ मत पाएर विजयी हुनुभएको थियो । २०८० कार्तिक १७ को भुकम्पमा परि उपप्रमुख सिंहको मृत्यु भएपछि उपनिर्वाचन भएको हो ।
१७ मंसिर २०८१, सोमबार १०:४६ मा प्रकाशित
