जाजरकोट । जाजरकोटमा सडक स्तरोन्नतिको काम गरिरहेका चार जना कामदार माटोको ढिस्कोमा पुरिएर गम्भीर घाइते भएपछि नेपाली सेनाको हेलिकप्टरबाट उद्धार गरिएको छ । मध्य पहाडी लोक मार्गबाट जुनीचाँदे गाउँपालिका जोड्ने सडक स्तरोन्नति गर्ने क्रममा वडा नम्बर २ को देसीपाटा खण्डमा काम गरिरहेका कामदार माटोको ढिस्कोमा पुरिएका थिए ।
ढिस्कोमा पुरिएर जुनीचाँदे गाउँपालिका–२ का ३२ वर्षीय रामबहादुर वड, सोही ठाउँकी २५ वर्षकी निर्मला शाही, २२ वर्षकी फूलमाया लुहार, ३५ वर्षका नरबहादुर वड गम्भीर घाइते भएका थिए । घाइते चारै जनालाई श्री चन्दननाथ गणको समन्वय तथा सहकार्यमा नेपाली सेनाको हेलिकप्टरबाट थप उपचारका लागि सुर्खेत लगिएको हो ।
१८ मंसिर २०८१, मंगलवार १४:४६ मा प्रकाशित
