जाजरकोट । जाजरकोटको भेरी नगरपालिकामा कार्यपालिका बैठक माग गर्दै नेपाली कांग्रेस र नेकपा माओवादी केन्द्रले तालाबन्दी गरेको छ ।
पटक-पटक बहुमत कार्यपालिका सदस्यहरूले मौखिक तथा लिखित रुपमा बैठक बस्न माग गरे पनि कुनै कारबाही नभएकोले प्रशासकीय भवनमा तालाबन्दी गरिएको भेरी नगरपालिका -१० का वडाध्यक्ष दलबहादुर रानाले बताउनु भयो ।
आफूहरुले राखेका ६ बुँदे मागसहित कार्यपालिका बैठक नबसेसम्मका लागि अनिश्चतकालका लागि तालाबन्दी गरिएको वडा -८ का वडाध्यक्ष वीरबहादुर चन्दले बताउनु भयो । प्रशासकीय भवनमा ताला लगाएसँगै नगरपालिकाका सम्पूर्ण काम प्रभावित भए सँगै सेवाग्राहीलाई सास्ती भएको छ ।
१६ पुष २०८१, मंगलवार १२:३५ मा प्रकाशित
