जाजरकोट । गृहमन्त्री रमेश लेखकले विपत् जुनसुकै बेला पनि आउने भएकाले त्यसको प्रभावलाई न्यूनीकरण गर्न तथा प्रभावकारी व्यवस्थापन गर्न स्थानीय तहलाई विशेष ध्यान दिन आग्रह गर्नुभएको छ।
जाजरकोटको भेरी नगरपालिका-१, रिम्नामा स्थापना गरिएको जिल्ला भूकम्पीय पुनर्निर्माण तथा पुनस्र्थापना आयोजना कार्यान्वयन इकाई कार्यालयको उद्घाटन गर्दै गृहमन्त्री लेखकले विपत् व्यवस्थापन मानव जीवनसँग प्रत्यक्ष जोडिने विषय भएकाले यसलाई प्राथमिकतामा राख्नुपर्ने बताउनुभयो।
“सडकको विकास, बाँध निर्माण, तथा घर-घरमा बिजुली पुर्याउने काम विकासका महत्वपूर्ण पाटो हुन्। तर, विपत् व्यवस्थापन झनै ठूलो मानवीय विषय हो। स्थानीय तहहरूले यसका लागि छुट्टै बजेटको व्यवस्था गर्नुपर्छ,” गृहमन्त्री लेखकले भन्नुभयो।
उहाँले सरकारले विपत् व्यवस्थापन र पुनर्निर्माणका लागि गम्भीर रूपमा लागिरहेको उल्लेख गर्दै भने, “सीमित स्रोतसाधनका कारण केही कमजोरी भए पनि भूकम्पबाट क्षति भएका आवास पुनर्निर्माण गर्न तथा प्रभावित नागरिकलाई राहत उपलब्ध गराउन सरकार प्रतिबद्ध रहेकाे बताउनु भयाे ।
