२० चैत्र २०८१, बिहीबार

नेपाली सेना भूतपूर्व सैनिक सम्मेलन–२०८१ जाजरकोटमा सम्पन्न

कर्णाली अपडेट संवाददाता

जाजरकोट ।  नेपाली सेनाको कल्याणकारी बोर्डको समन्वय तथा संयोजकत्वमा भूतपूर्व सैनिक सम्मेलन–२०८१ जाजरकोटको चन्दननाथ गण, मालिका ब्यारेकमा  सम्पन्न भएको छ । प्रण–सैनिक पुनर्मिलन, हिताधिकारीको कल्याण÷कोषको दिगोपन“ भन्ने मूल सन्देशसहित आयोजित सम्मेलनमा भूतपूर्व सैनिक तथा उनीहरूका आश्रित परिवारजनको उपस्थिति रहेको थियो ।

मुख्य सम्मेलन केन्द्रका रूपमा सुर्खेतस्थित श्री उत्तर पश्चिम पृतना हे.क्वाटरमा सञ्चालन भएको यो सम्मेलन जाजरकोटमा उपकेन्द्रका रूपमा सम्पन्न भएको हो । कार्यक्रममा प्रमुख अतिथिको रूपमा श्री चन्दननाथ गणका गणपति प्रमुख सेनानी श्री दीपक के.सी. रहनुभएको थियो भने, विशिष्ट अतिथिका रूपमा जाजरकोटका प्रमुख जिल्ला अधिकारी मेख बहादुर मंग्राती, अन्य सुरक्षा निकायका प्रतिनिधि, सङ्घसंस्थाका प्रमुख तथा सञ्चारकर्मीहरूको समेत उपस्थिति रहेको थियो ।

श्री चन्दननाथ गणको आदर्श वाक्य “देखाऊ वीर भक्ति लिएर शिव शक्ति” अनुरूप आयोजित कार्यक्रममा गणपति प्रमुख सेनानी श्री दीपक के.सी.ले भूतपूर्व सैनिकहरूको योगदानको सम्मान गर्दै सम्बोधन गर्नुभएको थियो । उहाँले नेपाली सेनाको गौरवशाली इतिहास, परम्परा तथा नेपाली राष्ट्र र जनताको निस्वार्थ सेवाका कारण यो संस्था विश्वसनीय र भरपर्दो सङ्गठनका रूपमा स्थापित हुन सफल भएको बताउनुभयो । सम्मेलनले अवकाश प्राप्त सकल दर्जा तथा परिवारजनहरूसँग प्रत्यक्ष भेटघाट तथा अन्तरक्रियाका माध्यमबाट सेना र भूतपूर्व सैनिकहरूबिचको सम्बन्धलाई थप मजबुत बनाएको उहाँले उल्लेख गर्नुभयो ।

कार्यक्रमको प्रारम्भमा श्री चन्दननाथ गणका ज्येष्ठ सेनानी श्री प्रविना थापाले स्वागत मन्तव्य दिनुभएको थियो भने सह– सेनानी श्री भक्त बहादुर थापा (अवकाश प्राप्त)ले भूतपूर्व सैनिकहरूको प्रतिनिधित्व गर्दै मन्तव्य व्यक्त गर्नुभएको थियो । सम्मेलनको अवसरमा विविध सांस्कृतिक नृत्य, खुकुरी ड्रिल तथा अन्य रोचक कार्यक्रमहरू समेत प्रस्तुत गरिएको थियो ।

यस सम्मेलनले नेपाली सेना र भूतपूर्व सैनिकहरूबिचको आपसी सम्बन्धलाई अझ सुदृढ गर्दै सेनाको कल्याणकारी प्रयासहरूलाई थप सशक्त बनाउन महत्त्वपूर्ण भूमिका खेलेको छ ।

७ चैत्र २०८१, शुक्रबार १८:४१ मा प्रकाशित
Nabintech

भरपर्दो मिडिया प्रा.लि.द्वारा प्रकाशित
कार्यालय : भेरी नगरपालिका-३, जाजरकोट
सम्पर्क नं. 9858080427
[email protected]
सूचना विभाग दर्ता न. ४३९७-२०८०/२०८१
प्रेस काउन्सिल दर्ता न. ४४००-२०८०/२०८१
सम्पादक सुरेन्द्र बहादुर सिहं

हाम्रो पुरा टीम हेर्न यहाँ क्लिक गर्नुहोस्