जाजरकोट । जिल्ला प्रशासन कार्यालय, जाजरकोटले स्वास्थ्य सेवा कार्यालयको अनुगमन गर्दा ठूलो संख्यामा स्वास्थ्यकर्मीहरू अनुपस्थित रहेको पाइएको छ। प्रशासनद्वारा जारी प्रतिवेदनअनुसार कूल ८८ जना कर्मचारीमध्ये २८ जना कार्यालयमा उपस्थित नभएको खुलेको छ।
अनुपस्थितमध्ये केहीले तालिम लिएको कारण देखाएका छन् भने धेरैजसो बिदा स्वीकृत नगरी अनुपस्थित रहेको पाइएको छ। कतिपय कर्मचारी अन्यत्र काममा व्यस्त रहेका कारण कार्यालय नआएको प्रतिवेदनमा उल्लेख छ।
जिल्ला प्रशासन कार्यालयका सहायक प्रमुख जिल्ला अधिकारी समीर गौतमका अनुसार, अनुपस्थित रहेका स्वास्थ्यकर्मीहरूलाई स्पष्टीकरण सोध्ने र आवश्यक कारबाही प्रक्रिया अघि बढाउने तयारी गरिएको छ। प्रशासनले हाजिरी प्रणालीलाई थप व्यवस्थित गर्दै कार्यस्थलमा अनुपस्थित हुने कर्मचारीमाथि कडा निगरानी राख्ने जनाएको छ।
स्थानीय सेवाग्राहीहरूले नियमित स्वास्थ्य सेवा प्रभावित भएको गुनासो गरिरहेका छन्। प्रशासनले अब अनुगमनलाई अझ प्रभावकारी बनाउने र अनुशासनहीन कर्मचारीमाथि कडा कारबाही गर्ने चेतावनी दिएको छ।
अनुपस्थित कर्मचारीको लिस्ट हेर्नुहोस् ।
