जाजरकोट । अपांग स्वाबलम्बन संस्था जाजरकोटलाई ह्यान्डिक्याप ईन्टरनेशनलसँगको साझेदारीमा सञ्चालित ‘पहुच वृद्धि परियोजना’ अन्तर्गत कार्यालय प्रयोजनका लागि आवश्यक सामग्रीहरू हस्तान्तरण गरिएको छ।
संस्थालाई २ थान कम्प्युटर, २ थान दराज, २ थान टेवल लगायतका सामग्रीहरू हस्तान्तरण गरिएको हो। संस्थाले अपांगता भएका व्यक्तिहरूको क्षमता अभिवृद्धि, अवसरको पहुँच र सामाजिक समावेशीतामा सक्रिय भूमिका खेल्दै आइरहेको छ। कार्यालय सामग्रीको हस्तान्तरणले संस्थाको दैनिक कार्यसञ्चालनलाई थप प्रभावकारी बन्ने छ ।
ह्यान्डिक्याप ईन्टरनेशनलसँगको सहकार्यमा सञ्चालित उक्त परियोजनाले अपांगता भएका व्यक्तिहरूको अधिकार सुनिश्चित गर्न र उनीहरूलाई आत्मनिर्भर बनाउने उद्देश्य राखेको पाँचतारा युवा संरक्षक मञ्चका अध्यक्ष छवि पन्तले बताउनुभयो।।
२७ जेष्ठ २०८२, सोमबार १४:३७ मा प्रकाशित
