काठमान्डाैं । टी-२० त्रिकोणात्मक सिरिजको फाइनलमा नेपाल र नेदरल्यान्ड्सबीच प्रतिस्पर्धा हुने भएको छ। आइतबार भएको नेदरल्यान्ड्स र नामिबियाविरुद्धको खेल वर्षाले विथोलिएपछि फाइनलमा नेपाल र नेदरल्यान्ड्स भिड्ने भएको हो।
आइतबार नामिबिया र नेदरल्यान्ड्सबीचको खेल पहिलो इनिङ्ग्सको १५ ओभर सकिदा वर्षाले रद्द भयो। पहिले ब्याटिङ गरेको नामिबियाले १५ ओभरमा ४ विकेटको क्षतिमा ९८ रन जोड्दा खेल वर्षाले रोकिएको थियो।
त्यसपछि खेल सम्भव नभएपछि दुवै टोलीले एक–एक अङ्क बाँडेका हुन्। ४ खेलपछि नेदरल्यान्ड्स ५ अङ्कसहित शीर्ष स्थानमा रह्यो। नेपाल ४ अङ्कसहित दोस्रो स्थानमा छ। नामिबिया ३ अङ्कसहित तेस्रो स्थानमा सीमित बनेको छ। ।
२० फाल्गुन २०८०, आईतवार १५:११ मा प्रकाशित
