६ बैशाख २०८१, बिहीबार

खाजा खर्च कटाएर विद्यार्थीलाई न्यानो कपडा वितरण

कर्णाली अपडेट

जाजरकाेट । दैनिक खाजा खर्च बापतको रकम कटाएर विद्यार्थीलाई न्यानो कपडा वितरण गरिएको छ । पाँचतारा युवा संरक्षक मञ्च जाजरकोटमा कार्यरत कर्मचारीहरुले दैनिक खाजा खर्च बापत आउने ३० रुपैयाँ बराबर रकम दुई महिना सम्म सङ्कलन गरि जम्मा गरिएको रकमबाट विजय प्रावि स्याँला, नरज्योती प्रावि कल्यानपुर र हनुमान प्राविका करिव १ सय ५० विद्यार्थीलाई न्यानो कपडा वितरण गरिएको संस्थाका अध्यक्ष छवि पन्तले बताए ।

कपडा वितरण गर्दै पन्तले विपत्तिको समयमा हाम्रा विलासिता, मोज मस्ती, महँगा जीवनशैली रूपान्तरण गर्नका लागि आफुहरुले यो कार्य गरेको बताए । भुकम्प पछि हालसम्म पाँचाताराले विभिन्न संस्थाहरुसँगको सहकार्यमा करिव १० करोड बराबरको राहत साम्रागी वितरण गरिसकेको छ ।

१८ पुष २०८०, बुधबार १०:३४ मा प्रकाशित
Nabintech