५ मंसिर २०८३, शुक्रबार

जाजरकोटमा भूकम्पले गर्दा त्रिपालमुनि बस्दै आएकी सुत्केरी चदाराको चिसोबाट मृत्यु

कर्णाली अपडेट

जाजरकोट ।

भूकम्पले घरमा क्षति पुर्‍याए पछि त्रिपालमुनि बस्दै आएकी नलगाड नगरपालिका–८ तल्लोसिमाकी २५ वर्षीया शर्मिला चदाराको चिसोबाट मृत्यु भएको छ । उनी सुत्केरी भएको करिब एक महिना हुन लागेको जनाइएको छ । स्थानीय टेकबहादुर नेपालीले शर्मिला चदाराको गए राति चिसोबाट मृत्यु भएको जानकारी दिनु भएको हो ।
नलगाड –८ का वडाध्यक्ष तेजबहादुर सिंहले भन्नु भयो , ‘घर बाहिर त्रिपालमुनि बस्दै आउनु भएको चदाराको चिसोबाट मृत्यु भएको खबर आएको छ ।

शर्मिला चदाराले छोरीको जन्म दिनु भएको थियो। गत कात्तिक १७ गते राति ११,४७ मा जाजरकोटको रामीडाँडा केन्द्रविन्दु बनाएर ६ दशमलव ४ म्याग्निच्युटको भूकम्प जाँदा एक सय ५४ जनाको मृत्यु भएको छ भने तीन सय ४६ घाइते भएका थिए । भूकम्पबाट २६ हजार पाँच सय ५७ निजी घर पूर्णरुपमा तथा ३५ हजार चार सय ५५ घरमा आंशिक क्षति भएको जनाइएको छ ।

११ मंसिर २०८०, सोमबार १०:३० मा प्रकाशित
Nabintech

भरपर्दो मिडिया प्रा.लि.द्वारा प्रकाशित
कार्यालय : भेरी नगरपालिका-३, जाजरकोट
सम्पर्क नं. 9858080427
[email protected]
सूचना विभाग दर्ता न. ४३९७-२०८०/२०८१
प्रेस काउन्सिल दर्ता न. ४४००-२०८०/२०८१
सम्पादक सुरेन्द्र बहादुर सिहं

हाम्रो पुरा टीम हेर्न यहाँ क्लिक गर्नुहोस्