१५ जेष्ठ २०८१, मंगलवार

पेट्रोलमा प्रतिलिटर चार रुपैयाँले मूल्य बढ्यो

कर्णाली अपडेट

काठमाडौं । नेपाल आयल निगमले पेट्रोलको मूल्य बढाएको छ । आज राति १२ बजेदेखि लागु हुने गरी पेट्रोलमा प्रतिलिटर चार रुपैयाँले मूल्य बढाएको निगमले जनाएको छ ।

१७१ रुपैयाँ प्रतिलिटर पर्ने पेट्रोललाई उपभोक्ताले अब प्रतिलिटर १७५ रुपैयाँ तिर्नुपर्नेछ । निगमले डिजेल, मट्टितेल, खाना पकाउने ग्यास र हवाई इन्धनको मूल्य भने यथावत् रहेको जनाएको छ । इन्डियन आयल कर्पोरेसनबाट आज प्राप्त नयाँ खरिद मूल्यअनुसार पेट्रोलमा प्रतिलिटर ४ रुपैयाँ ७६ पैसा बढेर आएको निगमले जनाएको छ ।

निगमका अनुसार डिजेल र मट्टितेलमा ३९ पैसा, हवाई इन्धनमा ३८ पैसा एलपी ग्यास प्रतिसिलिन्डर २७ रुपैयाँ ४४ पैसा घटेर आएको र ग्यासमा अझै प्रतिसिलिन्डर २९६ रुपैयाँ १५ पैसा घाटामा रहेको निगमले जनाएको छ ।

१८ चैत्र २०८०, आईतवार २२:२९ मा प्रकाशित
Nabintech

भरपर्दो मिडिया प्रा.लि.द्वारा प्रकाशित
कार्यालय : भेरी नगरपालिका-३, जाजरकोट
सम्पर्क नं. 9858080427
[email protected]
सूचना विभाग दर्ता न. ४३९७-२०८०/२०८१
प्रेस काउन्सिल दर्ता न. ४४००-२०८०/२०८१
सम्पादक सुरेन्द्र बहादुर सिहं

हाम्रो पुरा टीम हेर्न यहाँ क्लिक गर्नुहोस्