सल्यान । सल्यानमा श्रीमान श्रीमती मृत अवस्थामा फेला परेका छन ।
जिल्लाको बनगाड कुपिण्डे नगरपालिका ४ देउलीमा श्रीमान श्रीमती मृत अवस्थामा फेला परेको जिल्ला प्रहरी कार्यालय सल्यानले जनाएको छ छ । अन्दाजी ३४ वर्षीय मनोज बुढा झुन्डीएको अवस्थामा र उनकी श्रीमती अन्दाजी ३२ वर्षीया कमला बुढाको टाउको काटिएको अवस्थामा मृत फेला परेको जिल्ला प्रहरी कार्यलय सल्यानका प्रहरी निरिक्षक भवानी प्रसाद धमलाले बताए ।
उक्त घटना श्रीमानले श्रीमतीको हत्यापछि आफूले पनि आत्महत्या गरेको जस्तो देखिएको उनले बताए । मनोज आफ्नै घर पछाडी झुण्डिएको अवस्थामा फेला परेका छन् भने कमलाको घाँटीमा धारिलो हतियार प्रयोग भै शरीर एकातिर र टाउको तसलामा रहेको अवस्थामा देखिएको उहाँको भनाई छ । घटनाको अनुसन्धान गर्नको लागि प्रहरी प्रमुख डिएसपी नविक कार्कीको नेतृत्वमा घटनास्थलमा पुगेर आवश्यक अनुसन्धान भैरहेकाे छ ।
