३१ असार २०८१, आईतवार

जाजरकोट ग्यालरीको समन्वयमा बिद्यार्थीलाई शैक्षिक सामाग्री हस्तान्तरण

कर्णाली अपडेट

जाजरकोट । जाजरकोट ग्यालरीको समन्वयमा बिद्यार्थीलाई शैक्षिक तथा सरसफाई सामाग्री बितरण गरिएको छ ।

ग्यालरीका अष्ट्रेलिया प्रतिनिधि लिलामनी आचार्यको आर्थिक सहयोगमा हिमज्योती प्राबि बारेकोट २ ध्यारगाउँका १ सय ३७ विद्यार्थीलाई शैक्षिक तथा सरसफाइ सामाग्री बितरण गरिएको हो ।

भूकम्प पीडित दुर्गमका बालबालिकाको पठनपाठनमा सहयोग पुगोस भन्ने उद्देश्यले सामाग्री वितरण गरिएको ग्यालरीका एडमिन सदस्य प्रिन्स चन्दले बताए । बालबालिकाहरुको सरसफाई तथा स्वच्छता ब्यवहार परिवर्तनका लागि समेत आगामी दिनमा थप सहयोग गर्ने चन्दको भनाई छ । जाजरकोट ग्यालरीले दुर्गम ठाउँको विद्यालय छनौट गरेकोमा ग्यालरी परिवारप्रति प्रधानाध्यापक गोबिन्द रोकायाले खुसी ब्यक्त गरेका छन् ।

फेसबुकमा जाजरकोट ग्यालरी नामक ग्रुरुपले नेपाल र बिदेशमा रहेका सम्पुर्ण जाजरकोटीहरुलाई जोडेको छ । जाजरकोटका समाचार, सूचना तथा पर्यटकीय गन्तव्यका बारेमा प्रचार प्रसार गर्ने गरेको ग्रुरुपका संचालक सुरेन्द्र सुमनले बताए । कुनै पनि प्रकोप तथा घटनाहरु स्वस्फुर्त रुपमा सदस्यहरुले ग्यालरीमा अपडेट गर्ने गरेका छन् ।

हाल ५४ हजारभन्दा बढी सदस्य रहेको जाजरकोट ग्यालरीमा सामाजिक सरोकार, जिल्ला र आफ्ना स्थानीय तहका विभिन्न गतिबिधि, छलफल तथा बहस समेत हुने गरेको छ ।

५ असार २०८१, मंगलवार १७:४८ मा प्रकाशित
Nabintech

भरपर्दो मिडिया प्रा.लि.द्वारा प्रकाशित
कार्यालय : भेरी नगरपालिका-३, जाजरकोट
सम्पर्क नं. 9858080427
[email protected]
सूचना विभाग दर्ता न. ४३९७-२०८०/२०८१
प्रेस काउन्सिल दर्ता न. ४४००-२०८०/२०८१
सम्पादक सुरेन्द्र बहादुर सिहं

हाम्रो पुरा टीम हेर्न यहाँ क्लिक गर्नुहोस्